«Тарихтан тағылым – өткенге тағзым»
17 наурыз – Тарихқа тағзым күніне арналған «Тарихтан тағылым – өткенге тағзым» атты кітап көрмесін назарларыңызға ұсынамыз.
Көрменің мақсаты: Алаш арыстарын, саяси қуғын-сүргін құрбандарын еске алу. Олардың өмір жолдарымен оқырманды тереңірек таныстыру, өткен тарихымыздан тағылым ала отырып, бүгінгі ұрпаққа әр кітап арқылы өнегелі тәрбие беру, Отанын сүюге, елінің, жерінің адал патриоттары болуға баулу, олардың санасына тарихи шындықты жеткізу.
Көрме: «Алаш арыстарының асыл мұрасы» «Ашаршылық ақиқаты» «Желтоқсан жаңғырығы» атты үш бөлімге топтасты. Көрмеге Қазақстан халқына орны толмас қасірет пен қайғы әкелген отызыншы жылдар ойраны, сол бір зұлмат кезеңнің экономикалық жағдайы, аштық пен азапты өлімнің себеп – салдары және желтоқсан оқиғасы туралы кітаптар қойылды.