Қазақ ұлттық хореография академиясында Қазақстан Республикасының еңбек сіңірген қайраткері А.Т.Алишеваның «Халықтық-сахналық би режиссурасының негіздері» атты оқу құралының тұсаукесері өтті.

Оқу құралы хореография режиссурасы шеберлерінің іргелі ғылыми мұрасына және автордың педагогикалық-практикалық озық тәжірибесіне негізделген.

Оқу құралы өнер саласы жоғары оқу орнындарындағы «Хореография режиссурасы», «Балет педагогикасы», «Хореография педагогикасы», «Спорттық бал биінің педагогикасы» мамандықтарына арналған.